بيومي فؤاد عن دوره في"ابن مين فيهم؟":"راجل ورث فلوس وضيعها على جوازاته"

تحدث الفنان بيومي فؤاد، عن تجربته السينمائية الجديدة "ابن مين فيهم؟" المقرر طرحها في السينمات خلال الأيام المقبلة. 
وقال بيومي فؤاد: "قعدت أتخيل شكل شخصية رشدي هيبقى عامل إزاي، واقترحت على المخرج نغير شكله، مش لازم يبقى شكله حلو عشان يوقع الستات وخلاص، ويبقى مختلف عن أعمالي السابقة، وكمان إزاي هيكون مقنع إنه يوقع الستات وهو في السن ده،
وتابع: "الحقيقة أنا شايف رشدي مش رجل أعمال، ده راجل ورث فلوس وضيعها على جوازاته، ولما الفلوس خلصت فلس، لحد ما حصلت المفاجآت اللي في الأحداث". 
وأضاف: "أنا مش قلقان طبعا من التكرار، لأن فيه دويتوهات نجحت في السينما المصرية من أيام الزمن الجميل، والجديد كمان إن إحنا مش بنعمل قصة شبه بعضها، حتى لو كان جزء تاني من حدوتة، بيبقى فكرة مختلفة خالص، حتى لو بنفس الكاست أو شركة الإنتاج أو المخرج".
الفيلم بطولة ليلى علوي وبيومي فؤاد وأحمد عصام السيد، ومن تأليف لؤي السيد وإخراج هشام فتحي.